 |
Before the Low, by Franz Kafka
|
 |
chut 'etDaq
,ghItlhta'bogh ((vIranchI qavqa))
chut 'etDaq QamtaH lojmIt 'avwI'. Hatlhvo' 'avwI'vam ghoS loD 'ej chut 'elmeH HIchIDneS tlhob loD. 'ach ja' 'avwI' ((DaH bI'el 'e' vIchaw'laHbe'.)) QubtaH loD, vaj tlhob ((leS chochaw''a'.)) ((chaq. 'ach wej DuH)) ja' 'avwI'. reH poSbejtaHDI' chut lojmIt, wa' Dop ghoSpu'mo' 'avwI', lojmItvo' DaqmeH joD loD. 'e' tu'DI' 'avwI', Hagh 'ej ja' ((SoHvaD Dajqu'chugh, vIbot 'e' DaSaHbe'taHvIS, bI'el 'e' yInID. 'ach, qeS qaja'bogh yIqawtaH. jIHoSghaj. 'ach 'avwI' jIH nIv puS Hoch nIv law'. vaSmey law' tu'lu'. wa' vaSvaD wa' 'avwI' tu'lu'. retlhDaq 'avwI' HoSghaj law' 'avwI' Qav HoSghaj puS. mu'ghIjDI' 'avwI' wejDIch, vIleghtaH 'e' vISIQvIpbej.)) Sengmeyvam PIHpu'be' Hatlhvo' loD. reH chut naw'laHbej Hoch 'e' Qub ghaH. 'ach DaH, ghIch tIn jej, rol tIq lang qIj je ghajtaHvIS, Ha'DIbaH DIr wep tuQtaHbogh 'avwI' bejchu'DI' ghaH, 'elmeH chaw' Suqta' 'e' loSlI' law' 'e' loSbe' puS, 'e' wuq ghaH. ghaHvaD quS nob 'avwI' 'ej lojmIt wa' DopDaq ba'choH ghaH 'e' chaw'. qaStaHvIS jajmej, qaStaHvIS DISmey, pa' ba'taH ghaH. nabmey Sar nID ghaH 'ej pIj tlhobtaHmo' 'avwI' Suj. pIj QIchDaj Qoy 'avwI'. loQ ghaHvaD juHqo'Daj, latlh law' je yu' 'avwI'. 'ach bong ghaHvaD yu' 'avwI', joHmey nIv rurtaHvIS. 'ej ja'chuqghach rInmoHDI' 'avwI', reH ja'qa' ((DaH bI'el 'e' vIchaw'laHbe'.)) lengmeH Dochmey law' qengta' loD. 'ej ghaH chIDchoHmeH 'avwI', 'avwI'vaD Hoch nob. rut lo'laH Doch nobbogh loD. Hoch lajqangtaHvIS 'avwI', reH ja' ((vay' Danoppu' 'e' DaQubbe'meH vItlhap neH.)) qaStaHvIS DISmeyvam, reH 'avwI' neH qImtaH loD. latlh 'avwI'pu' lIj ghaH, 'ej chut naw' ghaH 'e' waQlaw' 'avwI'vam wa'DIch neH, 'e' QubchoH ghaH. Do'Ha' ghaH 'e' pIch ghaH. qaStaHvIS DISmey 'eq, jaqtaH 'ej jachtaH. qaSpu'DI' DISmey, qanchoHmo' ghoghHom ja''eghtaH neH. puq rurchoH ghaH, 'ej qaStaHvIS bovmey nI', 'avwI' QultaHmo', 'avwI' Ha'DIbaH DIr mongDechDaq ghewmey tu'choH. ghewmey bIH, 'ach ((HIQaH 'ej 'avwI' yab yIchoHmoH)) qoy' ghaH. DaH pujchoH mInDu'Daj. HurghchoHpu' qo' pagh tojtaH neH mInDu'Daj. meq qar SovlaHbe' ghaH. ghu' HurghDaq ghaHtaH, 'ach DaH chut lojmItvo' narghbejbogh woj tu'taH. DaH taHbe' yInDaj. Heghpa' ghaH, yabDajDaq ghom Hoch bechpu'bogh qaStaHvIS DISmeyvam nI', 'ej yu'meH mu'tlhegh moj Dochvam. wej 'avwI'vaD mu'tlheghvam yu'ta' ghaH. DaH letchoHpu'bogh porghDaj peplaHbe'mo' ghaH, 'avwI' ghoSmoH ghaH. bIngDaq laghchuqmeH, porghDaj SIHnIS 'avwI', pujchoHmo' ghaH 'ej jenbogh 'avwI'vaD pImqu'choHmo' jenHa'bogh ghaH. ((DaH, nuqneH, nuq DaSov DaneH)) tlhob 'avwI'. ((bIqur)) ja' je 'avwI'. ja' loD ((chut SIchta' neH Hoch. qaStaHvIS DISmey law', jI'el vIneH jIH neH, 'ej 'el neH latlh pagh. vaj qatlh qaS wanI'vam.)) DaH rIn loD yIn 'e' ghov 'avwI', 'ej pujchoHpu'bogh laHDajvaD 'avwI' ghogh SIchmoHmeH, qoghDaj retlhDaq jach 'avwI' ((naDev 'ellaH pagh latlh, SoHvaD neH lojmItvam cherlu'pu'mo'. DaH naDevvo' jIghoS 'ej vISoQmoH.)),mughta'bogh ((SIng)).
NOTE:
Because of the short of known Klingon words, there are many awkward expressions in this text. see below:
Original German; English; awkward Klingon
Pelzmantel; fur coat; Ha'DIbaH DIr wep
grosse Spitznase; big sharp nose; ghIch tIn jej
den langen, schwarzen, tartarischen Bert; long thin black Tartar beard; rol tIq lang qIj
...in these cases, I do not know if Klingon adjectival verbs can be connected simply.
...etc.
In the last edition, I had to use ((QoymoHwI')) for "ear". Now the word ((qogh)) had been discovered. I knew this word from "HolQeD" Vol.2 No.4. The "HolQeD" is the publishment of KLI. I thank KLI.
I hope that more words will be discovered some dey.
puSqu'mo' tlhIngan mu'mey luSovlu'bogh navvamDaq mu' qarHa' tu'lu'. nem mu' law' lupojlu'jaj.
Doch 1-DIch. tera' DIS 1996 jar 3-DIch jaj 3-DIch.
Doch 2-DIch. tera' DIS 1996 jar 9-DIch jaj 30-DIch.
